Ego Odilo abba monachorum Sancti Petri Cluniacensis monasterii, et omnis congregatio ejusdem æcclesiæ, et ego Oddo monachus, notas commutationes fieri volumus terrarum, quas facimus cum quibusdam militibus, cum Artaldo et Gausfredo, presentibus et futuris. Nos damus eisdem Artaldo et Gaufredo campum in villa quę dicitur Besorniacus possidendum, in longitudine ejusdem desupra Sancti Petri terminatum, et deorsum similiter Sancti Petri, et in latitudine via publica terminatum. Predicti vero milites largiuntur nobis campum unum in villa Verolia, qui terminatur superius et inferius terra Sanctæ Mariæ, et aliis partibus senderio vicinis usitato; ita tamen ut quandiu vixerint et teneant et habeant in scamio, post mortem autem eorum ex integro Sancto Petro remaneat et istud et illud. S. Artaldi et Gaufredi, qui fecerunt et firmaverunt. S. Jotserandi et Uldeverti et Willelmi, Uberti, Bernardi, Girberti, alterius Willelmi, Stephani.